Maja Salvador nagconcert sa Cebu ug nibisita sa iFM 93.9
Karong adlawa, niabot si Maja Salvador sa Cebu alang sa iyang concert karong gabhiona sa IC3 Convention Center. Ang iyang concert adunay title nga ‘Maja On Stage Live in Cebu’ tungod kay matud pa ni Salvador nga sa niaging tuig, nailhan siya isip Lily Cruz/Ivy Aguas sa teleseryeng Wildflower sa ABS-CBN ug kay matapos naman ni karong semanaha, magpasalamat siya sa iyang mga supporters ug mag-promote nalang pud sa pagtan-aw sa ilang nahabiling semana sa ilang teleserye.
Sa iyang interview ganiha sa iFM 93.9 Cebu kauban si DJ Ali Matok, niingon siya nga siguradong maglingaw-lingaw gyud kuno sila sa mga manan-aw tungod sa iyang pagsayaw-sayaw ug pagkanta inubanan sa iyang mga special guests nga sila si Kakai Bautista, Vin Abrenica, Anna Fegi ug Joseph Marco.
Si Maja Salvador ubos sa management sa ABS-CBN’s Star Magic nailhan sa ShowBiz industry nga “Dance Princess”. Sa tuig 2011, si Salvador ni co-produced ug niportray sa title role sa film nga Thelma diin nakadawat siya og Gawan Urian Award ug Film Academy of the Philippines Award for Best Actress.
