BAGO CITY – Gindagsa sang mga nagbuylog sa kasubo sang pamilya ang lubong ni Noellah ‘En-en’ Del Carmen, ang 5 katuig nga bata nga ginhimuslan, ginpatay, ginsulod sa sako kag ginlubong sa purok Balunggay, Brgy. Malingin, syudad sang Bago.
Tuman nga kasubo ang ginbatyag sang pamilya kag mga pumuluyo sang Brgy. Malingin bangud sang pagkadula ni En-en sang temprano bangud sang pagkawala kaluoy sang tatlo ka mga suspetsado nga kaingod man lang nila balay.
Nagapanawagan naman ang pamilya kag ang mga nagkumpanyar sang hustisya para sa kamatayon sang bata.
Ginmisahan ini sa Brgy. Maao Catholic Church pasado la una kaina sang hapon (Pebrero 4) kag ginlubong sa Barangay Ma-ao Public Cemetery.
Kon madumduman si En-En ang nadula sadtong Enero 22 las tres sang hapon kag nasapwan ini nga patay las 10 a sang aga sang Enero 23.
Enero 24 natigayon nga napasakaan sang kaso nga rape with homicide ang tatlo ka mga suspetsado nga sanday Saldy Caspe, Job Villanueva kag Glenn Villanuevanga yara sa gihapon nakahunong sa prisohan sang Bago City Police Office. / Photo by IcySay Nonallada
