Anu gid bala ang ginalantaw nga motibo sang pagpamatay ni John Mark sa iya mga manghod?
Sa ulihi nga pagpangusisa sang kapulisan nahibaluan nga nagsulod si John Mark sa isa ka kulto. Sa pagsulod sini sa ginasiling nga kulto, nakita ang panaad sini sa nakapagkit sa bitbit nga libritas kon sa diin, kinahanglan niya nga magpatay sang dose tanan ka tawo.
Nagapati si John Mark nga makaagom siya sang gahom nga indi madutlan sang bala kag bisan binangon kon matuman sini ang pagpatay sang dose katawu kag kon patyon niya ang mga manghod, may gahom ini nga sa iya lang makit-an.
Suno sa dugang nga impormasyon , tatlo ka adlaw antis natabo ang insedente, nakit-an na si John Mark sang tiyo sini nga si Norberto nga ginabaid ang plamingko nga iya gingamit sa pagpatay sa iya mga manghod. Nag pamangkot pa ang tiyo kon diin niya gamiton ang patalum kag isa lang ang sabat sini nga gamiton nya para sa pagkihad sang mga mga panakot.
Pasado las 11 sang udto, Hunyo 9 sang ginbiyaan ni Mauricio Melevo, stepfather ni John Mark ang ila balay para magpaligo sa suba. Nabilin sa ila balay ang iya mga manak nga sanday Jhonrenz, 14; Jenny Rose, 9; Alejandro Jr., 5; kag bata sini nga si Gregor, 1 year old.
Nagakatulog sa duyan ang lapsag nga si Gregor samtang sa katre naman Alejandro. Samtang ara sa babaw sang balay si Jenny Rose nga nagapanghimos sang ila bayo. Sa guwa ara naman si Jhonrenz nagapang ulagis sang lukay para himuon nga silhig-bukog.
Mga takna las 12:30 sang nag-abot si John Mark gikan sa kampo, nagareklamo ngaa nga wala pa palanyagahon. Ginhunos sini ang iya plamingko. Una nakit-an ni John Mark si Jhonrenz, gin-uyatan sa ulo kag ginlampos sa duta. Nagasyagit ini kag nagatulalagay ang luha sa kahadlok sa iya magulang, apang wala ini sang may mahimo bangod sila lang sa amu nga tion, malayo ang mga kaingod. Ginduslak ni John Mark si Jhonrenz una sa iya nga liog, kag para masiguro nga patay na, iya gingutrab ang liog sini.
Amu man sina ang ginhimo nya sa nagakatulog niya nga manghod nga si Alejandro Jr. samtang ginkuha nya sa duyan ang lapsag nga si Gregor, ginbutang sa batiis ni Alejandro Jr. kag gingutrab man ang liog.
Sa kahadlok, dumalagan halin sa ila nga balay si Jenny Rose, nagpanago ini sa kakugunan. Nakit-an nya pa nga ginlabayan ini sang iya magulang nga si John Mark, bitbit ang plamingko nga puno sang dugo. Nagakudog naman ini sa kahadlok apang ginpunggan niya ang iya paghibi, sa pagpati nga kon makit-an siya sang iya magulang, amu man ang kapalaran niya sa iya mga utod.
Nagbalahuba ang hitabu tubtob nakalab ut sa igtalupangod ni Mauricio nga yara sa suba.Dali dali ini nga nagpauli sa ila balay kag nagtalangison sa naabutan sang mag ulutod.
Tuyo pa nga magpalagyo ni John Mark apang posibli pagkagab-i, nagbalik ini. Las 6:30 kaina sang aga, nakit-an ini malapit sa iya payag nga nagapanago sa buho nga pahigda sa diin gintabubunan niya ang iya lawas sang dahon sang saging. Nakit-an siya bangod kay kitaon ang iya tiil.
Kilala si John Mark sa ila lugar nga tilimplahon ang batasan, madasig manginit kag may nervous breakdown. Rasun naman nga ginhimuan ini sang separado nga payag pila lang kadupa ang antad halin sa ila balay. Dira na sya gatulog separado sa iya mga manghod nga ginatatap sang iya stepfather samtang naga ubra sa Manila ang ila iloy. /// via Jennifer Debaja Palomo <www.facebook.com/jennifer.debaja1?hc_ref=ARTOx5QJXJwzl3_9_JHh6kInlYdFyBGHXuAgbNQvnGvVqICXJ7wM3-pOa5eaOU6p5Jw&fref=nf>
#TatakRMN
via Jennifer Debaja Palomo <www.facebook.com/jennifer.debaja1?hc_ref=ARTOx5QJXJwzl3_9_JHh6kInlYdFyBGHXuAgbNQvnGvVqICXJ7wM3-pOa5eaOU6p5Jw&fref=nf>
