General Santos City–Padayon pa ang ginahimong imbistiogasyon karon sa police Station 4 kabahin na pagpamusil ilawom sa ilahang area of responsibility kung asa biktima ang usa ka sikad driver nga si peter Samson, 47 anyos, residenti sa old Purok Paradise Brangay City Heights, Gensan kansa gipusil niadtong nakalabayng gabie.
Sumala pa ni Police Major Alex Lanestosa ang hepe sa Police Station 4 nga sa karon wala pa silay lead sa maong pagpamusil ug padayon pa silang nakig-alayon sa mga kabanay sa biktima aron nga masayran ang background niini.
Dugang pa ni Lanestosa nga sa nahimong inisyal nga imbistigasyon migula nga ang biktima walay record sa ilahang estasyon hinungdan nga sa karon nagpabilin silang blangko sa motibo niini.
Kung kahinumduman nga gipusil sa wala mailhing mga suspect nga nakamotorsiklo ang biktima samtang kini nagmaniho sa iyahang sikad.(Dave Silagan)
