Limitado lamang ngadto sa lima ka mga botante kada presinto ang mamahimo nga makasulod atul sa ilusad nga local ug National eleksiyon karong umaabot Mayo 9,2022.
Kini ang gikompirmar ni Atty. Francisco Pobe ang Regional Director sa Commission on Election (COMELEC) region 10 atul sa gipahigayon nga Talakayan sa Philippine Information Agency (PIA) kagahapong adlawa, diin giklaro niini ang tanang mga plano ug pagpangandam sa ilang buhatan alang karong umaabot nga piniliay.
Dugang ni Pobe, nga kung kaniadto diha sa 20 ka mga botante pa ang mahimong makasulod matag presinto, gilimitahan na kini karon diha sa lima ka mga botante na lang aron nga istriktong masunod ang social distancing ug malikayan ang pagkuyanap sa Covid-19.
Samtang, gisiguro usab karon ni Pobe nga masunod ang mga health protocols karong eleksiyon tungod kay aduna matud pa silay ibutang nga covid marshall matag voting center.
Facebook Comments
