Report ni: Tita Jen Palomo Debaja
Isa ka 30 anyos nga pinoy migrant worker ang gin aresto sang biyernes, Marso 2,2018 sa kaso nga pag pangawat sa Rua de Xangi, Macau.
Base sa balita nga nabalhag sa Macao Daily News, nag pakuno kuno nga costumer sa isa ka pawnshop sa Nape district ang pinoy agud magbakal sang alahas .
Sa pahayag sang salesman sa nasambit nga pawnshop,una nga nag hingyo ang pinoy nga matan aw sang duwa ka kulintas kag sang nahatag na sang salesman ang alahas nag pangabay pa gid ini nga matan aw sang isa pa ka kulintas agud makapili ini.
Dali dali man nga nagkuha pa ang salesman sang alahas apang sang pag talikod sini, gulpi lang nalagyo ang pinoy dala ang duwa ka kulintas.
Nagluntad ang lagsanay sa salesman kag pinoy kag tabuan man nga may police nga naga patrol sa area kag pareho gin dakup ang duwa.
Nag panginpadlos ang pinoy rason nga gin detained ini sang mga police. Sa pag rekesa sa iya bulsa, nakit an ang mga alahas nga nagabalor sa US$ 12,427.
Sa dugang nga pag pangusisa sang kapulisan, gin aku sang pinoy ang krimen kag suno sa iya,yara sa ospital ang miyembro sang iya pamilya rason napilitan siya nga mangawat.
