Malapad nga contact tracing ipatigayon sang IPHO kag LGU Polomolok sa mga close contact sa panibag-o nga nagpositibo sa COVID-19

19

Malapad ang ipatigayon nila nga contact tracing sa mga close contact sang 25-anyos nga lalaki nga nagpositibo sa coronavirus disease ukon COVID-19 nga taga-banwa sang Polomolok kon wala ini sang travel history nga padayon nga ginaestablisar, suno kay Provincial Health Officer Dr. Rogelio Aturdido Jr.
May-angot sini, i-istablisar nila suno pa kon sa diin nakuha sang pasyenti ang balatian amo nga mabalik sila sang 14 days sa himuon nga contact tracing.
Apang sa subong suno kay Aturdido indi siya makasiling nga may-yara na sang local transmission sang COVID -19 sa probinsya tungod paisa-isa pa lang nga nagagwa ang kaso kag wala pa sang ginapatigayon nga mass testing sa probinsya.
Paklaro man ni Dr. Aturdido nga ginpaggwa ang pasyenti sa COVID hospital sa banwa sang Surallah bisan wala pa naggwa ang resulta tungod nagimproved naman suno pa clinically ang pasyenti kag padayon man sini nga ginpractice ang precautionary measures.
Nahibaluan nga duha ka bulan nga may-yara sang history sang pulmonary problem ukon TB kag nakapapaidalom sang makapila ka bes sa follow-up check-up sa mga private doctors ang pasyenti kag sang Mayo 6 liwat ini nga nagpacheck –up sa private doctor,apang sang May 9 nagsuka-suka ini rason nga gin-admitir sa isa ka hospital sa Polomolok kag ginrefer sa COVID hospital sa Surallah tungod nagmanifest sang sintomas sang nasambit nga balatian partikular na nabudlayan nga magginhawa, Mayo 17 naggwa sa hospital tungod maayo na ang kondisyon, apang pagkahapon naggwa ang resulta nga positibo ini sa COVID-19.

Facebook Comments