Pagsaylo sang site sang P200 million 4-storey hospital building indi na pwede, suno sa DBM 12.

22

Indi na pwede nga masaylo sang site ang itukod nga P200 million 4-storey hospital building tungod may existing contract na kon sa diin ibutang ang proyekto kag tigayon naman ini nga naaward sa contructor base sa General Appropriation Act.
Ini ang nangin pamahayag ni Department of Budget and Management 12 Regional Director Akmad Usman sa ginpatigayon nga question hour sang Sangguniang Panlalawigan kahapon nga adlaw angot sa hingyo ni Governor Reynaldo Tamayo Jr. nga ibalhin sa Protech Center compound ang 4-storey hospital building imbes sa original site sini nga sa South Cotabato Provincial Hospital Compound.
Paklaro pa ni RD Usman nga ang DOH Secretary lamang ang may authority nga makapatransfer sang location sang proyekto, apang sa kaso sang 4-storey hospital building ang indi na pwede mag-enter sa bag-o nga kontrata tungod naglapse na sang duha ka tuig ang validity sang proyekto.
Nahibaluan nga sang tuig 2018 pa naaprobahan ang P200 million 4-storey hospital building kag tigayon na nga naaward sa E.M. Cuerpo Inc.

Facebook Comments