General Santos City–Nahimong imosyonal si former Malapatan Municipal Mayor Jorge Sambaga atol sa ilang gipatawag nga press conference niadotng nakalabayng adlaw kalabutan sa kamatayon sa iyang igsuon nga si Barangay Sapu Masla kagawad Al Sambaga ug pag-umangkon niining si Raquib Morib dungan sa gihimong operasyon sa RPDEU niadtong nakalabayng simana.
Sumala sa kanhing mayor nga daw sa dili madawat sa ilang pamilya ang yano matud pang pagpatay sa mga pulis ngadto sa iyang igsuon atol sa pagronda sa kapulisan sa panimalay niini.
Nasayran nga subay sa pahayag sa kapulisan misukol si Kagawad Sambaga mao nga napugos ang kapulisan nga kini pusilon nga hinungdan sa iyang kamatayon.
Hugtanon usab nga gikondina ni Former Malapatan Mayor Jorge Sambaga ang pamaagi sa pag-operate sa kapulisan batok sa ilang target.
Sumala niini nga wala syay pagsupak sa programa ni Pangulong Rodrigo Duterte batok iligal nga droga apan ang iyang gikwestyon ang pamaagi sa pagpatuman niini sa kapulisan.
