Naglab-ot na sa 17,625 ka mga health workers sa SOCCSKSARGEN Region ang nabakunahan sang first dose sang COVID-19 vaccine sa nagapadayon nga vaccination program base sa datos sang Department of Health – Center for Health Development (DOH-CHD) 12.
Sa nasambit nga numero 6,587 ang nabakunahan sang Sinovac vaccine kag10,791 ka mga health workers ang nabakunahan sang AstraZeneca vaccine.
Base sa datos 3,262 ang nabakunahan na sa South Cotabato; 4,435 sa North Cotabato; 1,785 sa Cotabato City; 699 sa Sarangani; 3,736 sa General Santos City; kag 3,708 sa Sultan Kudarat.
Lakip na sa mga top 3 nga prayoridad nga nabakunahan sa COVID- 19 vaccination program ang mga frontline health workers sa mga COVID-19 referral hospitals, personnel sang government kag private hospitals kag personnel sang temporary treatment and monitoring facilities (COVID-19 isolation facilities).
Sang Lunes nga adlaw gindistribute sang DOH 12 ang fourth batch sang COVID-19 vaccines nga para sa gihapon sa mga healthcare workers sang rehiyon dose
Yara sa 9,930 doses (993 vials) sang AstraZeneca vaccine kag 1,999 doses sang Sinovac’s CoronaVac vaccine.
May-angot sini ang Cotabato City nakabaton sang19 vials; General Santos City, 90; North Cotabato, 400; South Cotabato, 284; Sarangani, 100; kag Sultan Kudarat, 100.
Samtang sa 1,999 vials sang CoronaVac ang Cotabato City nakabaton sang 50 ka vials, 200 sa General Santos City, 699 sa North Cotabato, 450 sa South Cotabato, 200 sa Sarangani, kag 400 sa Sultan Kudarat.
Ginpahayag ni Kay Daba Tejam, health program researcher sang DOH-CHD XII kag leader sang delivery team for South Cotabato, nga ang gindistribute subong nga semana nga AstraZeneca kag Sinovac vaccines ang para sa mga health workers sang Rural Health Units nga wala nagatrabaho sa isolation facilities, personnel sang Integrated Provincial Health Office kag health workers in free-standing health facilities.
Natalana naman sa Marso 30 ang masunod nga deployment sang mga vaccines para sa second dose sang mga nabakunahan sang Sinovac vaccine.
