MALASAKIT center makabulig sa mga pasyente nga naadmitir sa ospital

Daku nga bulig sa mga pasyente ang MALASAKIT center apang kinahanglan nga nakaadmitir sa South Cotabato Provincial Hospital basi naman sa ginpirmahan nga Memorandum of Agreement.
Suno kay Dr. Conrado Braña, Chief sang South Cotabato Provincial Hospital padayon ang ginahatag nga bulig sa mga pasyente nga may sobra sa ila sini nga case rates sa diin ginacharge suno pa sa MALASAKIT center.
Dugang pa ni Dr. Braña, may mga diagnostics procedure man sila nga ginacharge sa MALASAKIT center apang kinahanglan nakaadmitir sa Provincial Hospital ang pasyente.
Madumduman nga nagsaligad nga bulan sang Agosto natukod ang MALASAKIT center sa Provincial hospital nga may inisyal nga pondo nga P5 milyon.