Malaybalay City Meat Shop ordinance, aprubado na

Aprubado na sa 8th Sangguniang Panlungsod sa dakbayan sa Malaybalay ang Ordinance no. 920 series of 2020 o mas nailing Malaybalay City Meat Shop Ordinance.

Sa interview sa RMN Malaybalay ngadto kang City Councilor Estelito Marabe, author sa mao nga ordinansa gibutyag niini nga ang Malaybalay City Meat Shop Ordinance maghatag sa free enterprise sa mga magpapatigayon nga magsugod sa ilang negosyo nga pagpamaligya sa meat products nga walay mga bug-at nga regulasyon gikan sa gobyerno.

Nasayran nga sa sulod sa dugay nang panahon adunay restriction sa pagpamaligya ug meat products sa siyudad.


Matud ni Marabe nga sa bag-ong ordinansa mawala na ang mga gipatumang restriction sama sa dili pag-abli ug meat shop sulod sa 3 ka kilometros raduis gikan sa merkado publiko.

Makatabang usab ang mao nga ordinansa sa paghatod ug dekalidad nga prdukto ug serbisyo sa mga pumapalit, paghatag ug oportunidad sa mga negosyante ug pagtubo sa ekonomiya.

Facebook Comments