Maridable arestao na entrapment

12

Ta prepara ya el maga pulis del Central Police Station el caso que ay planta contra con el man maridable quien ya precura hace cen con el un hotel donde sila yan check-in del Webes.

Con el man maridable ya conose como canda Sherhan Sabdani y Abdurasad, 36 anios de edad y su esposa si Almalyn Kasim y Jowak, 36, ambos de Calarian.


Asegun ya reclama estos con el management del Winzelle Suite Hotel na Governor Lim Avenue porcausa asegun manada cucuracha adentro del cuarto.

Y ya hace estos miedo que hace sila calayat na publico aserca el presencia del maga cucuracha na mencionao hotel.

Asegun ya demanda estos P20,000 con el duenio del hotel si Capt. Aaron Go, del Philippine Navy.

Porcausa con este ya reporta si Go na pulis donde ya resulta para conduci el entrapment operation na mismo hotel.

Na calaboso ya ahora el man maridable despues canila ya aresta el maga pulis y ya recobri tambien el P20,000 marked que ya usa el maga pulis.

Facebook Comments