Gibana-banang anaa sa 12 hangtod 15 mil ka mga tawo ang muapil sa ipahigayon karong adlawa, Huwebes nga Malaybalay SAD Free Day.
Sa interview sa RMN Malaybalay ngadto kang City Councilor Provo Jun Antipasado, naghupot sa komitiba sa peace and order sa siyudad, gibutyag niini nga himoon karong buntag ang launching sa Malaybalay SAD Free nga programa sa dakbayan.
Matud niini nga nakatakdang karong adlawa nga i-daptar ang konsepto sa mao nga programa nga Huwag maging Sad, Don’t be Sad.
Sa SAD nagrepresenta ang S sa Smoke, A sa Alcoholic ug D sa Drug Addict.
Gipasabot ni Antipasado nga tumong sa mao nga programa nga mahimong luwas sa inom, sigarilyo ug paggamit sa illegal nga droga ang publiko ilabina ang mga kabataan.
Tungod niini, lauman nga mas pahugtan pa ang pagpatuman sa mga balaod ug ordinansa nga adunay kalambigitan sa pagpanigarilyo, pag-inom ug ilimnong makahubog ug paggamit sa illegal nga droga.
Alayon ninii adunay pagahimoon nga usa ka parada sa siyudad nga salmutan sa gibana-banang 12 hangtod 15 ka libo ka mga tawo nga gikan sa nagkadaiyang sector sa katilingban nga magtigum sa capitol ground ning dakbayan.
Dungan niini, nanawagan ug gi-aghat ni Konsehal Antipasado ang publiko, mapribado mang indibidwal o bisan kinsa nga suportahan ug mu-apil sa maong usa ka dakong kalihukan.
