Davao City- Anaa sa 527 ka master cases ug nagkantidad sa P8 million ang mga smuggled cigarettes ang nasakmit sa Naval Forces Eastern Mindanao sa kadagatan sa Sultan Kudarat, South Cotabato.
Gibutyag sa Naval Forces Eastern Mindanao (NFEM) nga nadakpan usab ang usa ka Malaysian nga crew uban uban ang unom ka mga Pilipino ug nasakmit usab ang dili lisensyadong armas.
Segun si CDR Ronald Paras, Commander sa Naval Task Group 71.1 nisulay pa og ikyas ang illegal nga banca ug malampuson kining nadakpan sa Navy.
Ang suspisyuhong panakayang pandagat pabyahe sa Jolo, Sulu dihang nasiplatanan kini sa barko sa Navy nga BRP Artemio Ricarte (PS 37) kinsa nagpahigayon og regular nga pagpatrolya sa kadagatan.
Magatubang ang mga nadakpang crew nga naka-detain sa Sasa Police Station og kasong paglapas sa RA 4712 kun an Act amending certain sections of Tariff and Customs Code of The Philippines.
RadyoMaN Aimee Guinita
Facebook Comments
