Male dormitory sa Cagayan de Oro City Jail, hapit na mahuman

PC: CIO, Jomar Figuracion

Naana sa 90 porsiyento nga completion ang 3-storey male dormitory sa Cagayan de Oro City Jail.

 

Kini gipatukod sa syudad ubos sa administrasyon ni Mayor Oscar Moreno.

 

Nasayran nga sa karon, kamulo nang gitrabaho ang ikatulong andana sa maong male dormitory nga balor sa 19.2-Million pesos.


 

Gipatukod ni Mayor Moreno ang maong dormitory isip intervention program nunot sa hugot nga kampanya sa syudad batok sa gidiling druga.

 

Sa wala pa gipatuman ang hugot nga kampanya sa nasyonal nga kagamhanan batok gidiling druga, duna nay dul-an dos mil ka mga inmates ang city jail apan karon dul-an singko mil na ka mga inmates ang anaa sa sulod.

 

Sa maong gidaghanon, 90 porsiyento niini nga kaso naglambigit sa gidiling druga.

 

Gilauman nga ang bag-ong male dormitory makatabang aron maluag na ang daan nga mga dormitory sa city jail.

 

Kini ilabina nga matag andana adunay upat ka mga selda ug kung basihan ang standard, dose ka mga inmates ang masulod sa matag selda.

Facebook Comments