Davao City- Padayong ginahanduraw ni Kilusang Magbubukid ng Pilipinas Southern Mindanao Region Officer Tony Salubre ang iyang mapait nga kasinatian sa martial law ni Ferdinand Marcos upat ka dekada nakalabay.
Nag-edad og 13 anyos si Salubre dihang nahuman ang batas militar tuig 1983 apan lab-as pa gihapon sa iyang panumduman ang abuso ug pamatay nga nakumitar sa mga sundalo ug CPP-NPA-NDF niadtong higayona.
Muabot sa 3 mil ka mag-uuma uban sa ubang makawalhong grupo sa rehiyon mupartisipar sa protesta aron dungan nila isinggit ang maot nga kagahapon nga ilang naagian sa batas militar ni Marcos.
Matud ni Salubre, sugdan ang aktibidad ala 1:00 sa hapon huwebes diin kabahin sa simultaneous programs mao ang pagsunog sa effigy sa Pangulo ug ni US President Donald Trump.
Gipasalig ni Salubre nga dili bayolente apan malinawon ang ilang rally dinhi sa siyudad basta hatagan kuno sila og igong kagawasan nga makabigwas sa mga sentimyento nga ilang ipasibaw nianang panahona.
Gipaniguro ni Eastern Mindanao Command Spokesperson Major Ezra Balagtey nga naka-alerto ang militar batok sa mga grupo nga mohimo pagsabotahe sa martial law commemoration ug ila sab respetohon ang katungod sa mga militante nga magpasibaw sa ilang mga mulo.
RadyoMan Joel Viray
