Davao City – Nagtoo ang kanhi Commission on Election (COMELEC) Chairman Christian Monsod nga mamahimong malinawon ang piniliay sa barangay ug Sangguniang Kabataan sa Mayo 14 ning tuiga.
Sumala ni Monsod, dili kaayo init ang politika diha sa barangay kung itande sa local ug national election.
Malaumon usab si Monsod nga walay matigayong kasamok niining umaabot nga election kabahin sa hisgutanang political dynasty.
Dako usab ang pagtoo sa kanhi COMELEC chairman nga dili matigayon ang mga vote buying, black propaganda ug dinautay panahon sa kampanya tungod kay sa barangay halos magkaila lamang ang mga magpipili.
Nunot niining taliabot nga pagpili sa mga barangay ug SK officials, nanghinaot si Monsod nga matuman ang matured, intelligent ug wise voting alang sa pagpili sa mga opisyal sa ilang lugar.
RadyoMaN Bernard Pantallon
