Alas 8 karong buntaga mipagawas og statement ang Ayala Center Cebu Management nga pabilin gihapong sirado sa publiko ang Ayala Center hangtod sa makontralar na ang maong kayo nga nagsugod sa 3rd floor sa Metro Department Store niadtong Enero 5. Pinaagi sa ilang fb page nagpasalamat sila sa pagsabot sa publiko gumikan sa pagkapalyar una sa operasyon sa maong shopping center.
Sa laing bahin pud, ang mga media men sa Sugbo labi na gikan sa lainlaing pamantalaan sama sa The Freeman, Sunstar, Banat News, Super B, Cebu Daily News ug uban pa ang padayong naghatag og update kabahin sa sunog. Lainlain na mga photos ang ilang gipagawas pinaagi sa social media ug mga facebook live aron sa pagpasalamat pud sa mga kabomberohan ug mga volunteers nga pabiling nakigkombate alang sa pagkontrolar sa maong kayo.
Sa pinaka-latest nga fb live nga gipagawas sa Super B’s fb page (Superbalita Cebu), nahibaw-an nato nga padayon pa gihapon ang efforts sa Bureau of Fire Protection 7 alang sa pagkontrolar sa kayo. As of this writing, lapas 39 ka oras na nga nakigkombate ang mga firefighters ug uban pang volunteers.
Suma pa sa maong fb live nga dili gihapon pasudlan ang areas o dalan nga pinakaduol sa nahitaboan apan ang PUV Terminal sa Ayala Center nag-operate na. Makita pud sa maong fb live nga dili na ingon ana kabaga ang aso nga migawas gikan sa nasunog nga facility kompara sa miaging adlaw.
UNSA JUD KAHA
Karon nga miabot na og kapin 39 ka oras ang sunog sa Metro Ayala, ang atoang paaboton nalang mao ang resulta sa imbistigasyon sa owtoridad. Mao ni ang pipila sa mga pangutana nga gusto natong matagaan og tubag:
1. Unsa man gyud ang hinungdan sa sunog?
2. Naa ba gyud kaha’y violation ang management sa Metro Ayala? Tinuod ba nga wa migana ang sprinklers sa maong mall?
3. Unsa may dangatan sa mga trabahante sa maong mall? Naa ba kaha sila’y madawat nga financial assistance? I assign kaha sila sa lainlaing branches sa maong mall?
4. Ug ang pinaka-controversial nga pangutana: NAA BA KAHA’Y TAO/GRUPO NGA MAOY HINUNGDAN SA PAGKASUNOG SA MAONG MALL?
INSENSITIVE COMMENTS
Akoang gi-apil ang 4th question tungod sa akoang mga madungog nga mga pangasil sa mga mall o building nga kalit lang masunog sama sa nahitabo sa Metro Ayala. Nga ang rason daw sa sunog kay tinuyo lang para makakuha ang management sa mall o building og dako nga insurance.
Apan para naku ang ingon ani na komento o pangutana o arguement sa pagkakaron kay insensitive. Ang maayong tagaan og pagtagad mao ang efforts sa tanang mga tao o grupo o agency sa atoang gobyerno nga bisan ang uban hangtod karong orasa padayon gihapong naghago alang sa kalamposan sa maong operasyon. Atoa nalang isalig sa owtoridad ang pag investigate sa insidente.
Kudos sa atoang mga kabomberohan ug sa tanan nga mi-alagad ug mi-ampo sa mga apektado.
Ikaw idol unsa may imong reaksyon aning panghitaboa? Comment lang.
