Gi-usab sa mga tag-iya sa mga department store ug mga mall owners ning syudad sa Cagayan de Oro ang ilang mall hours niiniing panahon sa Pasko ug pagsugat sa bag-ong tuig.
Mao kini ang gibutyag ni Jose Edgardo Uy, chairman sa City hall Price coordinating Council.
Matud ni Uy nga gi-usab sa mga mall owners ang ilang mall hours silbing tubag sa hangyo sa Committee on Trade and commerce sa City council, nga gipanglohan ni Committee Chairman George Goking.
Gibutyag ni Uy nga tubag sa mga mall owners sa hangyo ni Goking, nagbutyag nga imbis alas 9 sa buntag ngadto sa alas 9 sa gabie ang ilang na-andan nga mall hours ila kining gi-uswag ngadto sa alas 10 buntag ngadto sa 10 gabie.
Apan sa adlaw nga Sabado ug Domingo, ang mall hour ning syudad sa Cagayan de Oro gikan sa alas 10 sa buntag ngadto sa alas 12 sa tungang gabie.
Una pa niini, gihangyo ni Goking ang mga Mall owners nga i-uswag ang ilang mall hours aron mahatagan sa gamay nga solution sa heavy traffic panahon sa peak hours ug mahatagan sa panahon ang mga empleyado nga maka –shopping sa taas nga panahon sulod ning panahon sa Pasko human sa trabaho sa ilang tagsa tagsa ka mga opisina.
