Davao City – Giawhag karon sa Department of Health (DOH)-XI ang mga ginikanan nga pahimuslan ang higayon nga mabakunahan ang ilang mga anak kontra polio, rubella ug tipdas.
Kini human nga operational na ang vaccination sites sa pipila ka mall sa syudad sa tibuok bulan sa Mayo alang sa maong aktibidad.
Abli ang usa ka dakong mall sa Lanang ug Ecoland ning dakbayan gikan alas 10 sa buntag hangtud alas 5 sa hapon.
Mamahimo na usab nga mabakunahan batok tipdas ug rubella ang 9 to 59 months. Samtang, pwede na nga bakunahan kontra polio ang 0 to 59 months.
Una nga gipasabot sa Davao City Health Office nga importante ang pagpapabakuna, diin target nila nga maka-immunize og 100,000 ka mga bata nga kwalipikado niini.
RadyoMaN Kirby Manzon
Facebook Comments
