Subling gipahinumduman karon sa Department of Social Welfare and Development kon DSWD ang publiko nga basi sa Republict Act No. 10121 kun Philippine Disaster Risk Reduction and Management Act of 2010, ang pagbaligya ug pagpalit sa mga food packs ug uban pang mga relief supply sa departamento ang matud pa ginadili ug dakung supak sa balaod.
Matud pa ni DSWD Officer in Charge Emmanuel A. Leyco nga ang DSWD dili motugot sa mga pagsupak msa maong balaod ung nga kung si kinsa man ang masapon ang possibleng mag atubang sa nagkalain-laing kaso ug kinahanglang manubag sa possibleng silot niini pinasikad sa balaud. Kini human sa balita nga mikaylap may kalambigitan sa mga relief goods gikan sa ilang departamento nga gihatud ug gipamaligya sa usa ka sari-sari store sa Iligan City.
Ang section 19 sa RA10121 ang nagdili sa pagbaligya ug mga relief goods, mga gamit, ug uban pa hilabi na gayud kung kini para lamang sa mga biktima sa katalagman. Ginadili usab niini ang pagpalit, bisan pa man kung gamiton ug ibaligya kini pag-usab sa mga goods nga naggikan sa disaster relief agencies ug apil na sa mga mga tawo nga naigo sa maong katalagman.
Si kinsa man ang nagabuhat niining mangil-ad nga pagsupak sa klarong balaud ang gikinahanglnan nga maghunahuna sa ilang mga kaugalingon aron dili makatilaw sa ngipon sa balaud. Kini gumikan kay particular nga daghan ang mga lugar palibot sa Mindanao ang naigo sa mga katalagman ug tungod niini aduna usab gilayon mga tawo nga daling mosakay sa panahon!
