Subling niapilar ang tribung Mamanwa sa Zapanta Valley, barangay. Bangayan, Kitcharao Agusan del Norte ngadto sa 29th IB Philippine Army nga misibug na sa lugar aron mahunong na usab ang engkwentro nila batok sa rebelding New Peoples’ Army (NPA).
Nahinabi sa RMN DXBC Butuan ang usa ka Mamanwa nga nagpuyu 5 kilometro gikan sa lugar sa engkwentro ug nasinati nila matud pa ang tumang kabalaka sa mga nabati nga buto-buto sa armas apan bisan pa niana pabilin silang anaa sa ilang panimalay ug nagdumili sa pagbakwit.
Wala usab matud pa niabot sa ilang panimalay ang hinabang gikan sa Municipal Social Welfare and Development (MSWD) sa Kitcharao.
Una nang gipasabot ni LTC Glenn Joy Aynera, commander sa 29th IB Phil. Army nga nagpahigayun ug Community Support Program ang kasundaluhan nga anaa karon sa Zapanta Valley sa lungsod sa Kitcharao.
File photo
