Roxas City, Capiz- Nagpalab-ot sang reklamo ang negosyante nga si Mr Romulo Capunong sang CAPCOR Motors Corporation kontra sa alkalde sang banwa sang Mambusao nga si Mayor Leodegario “Jun” Labao Jr.
Ini ang may kaangtanan sa kapaslawan sang kampo sang alkalde nga makabayad sa ginkasugtan nga balor sang kantidad sa ginbakal sini nga duha ka mga heavy equipments.
Nahibaluan nga ginsugo sang alkalde ang gumangkon sini nga si Isidro Labao agud magbakal sang 1- unit sang FUSO Dumptruck balor P2, 464, 000 pesos kag isa ka unit sang FUSO Truckhead nga nagabalor naman sang P3, 450, 000 pesos kag ini ang pagabayran paagi sa installment sang nakaligad nga pa nga tuig 2018.
Base sa nakapagkit sa blotter, kabilogan nga P4, 000, 000 pesos na ang nabaton nga bayad ni Capunong kag may yara pa sang nabilin nga 1, 914, 000 pesos ang wala mabayaran.
Nahibaluan nga makapila ka beses na nga nagpadala sang demand letter ang negosyante apang wala sa gihapon sang positibo nga sabat gikan sa ka po ni Labao.
