Davao City – Daw gilansang sa krus sa kalbaryo ang mga mamumuo karong adlawa Mayo Uno tungod kay dili makatapok tapok aron ilang ikapasibaw ang ilang mga yangongo tungod sa Enhanced Community Quarantine (ECQ).
Sumala ni Toto Bolcan, chairperson sa Kadamay, nga labaw pa sa na martial law ang mga mamuo karong adlawa kay gawas nga wala muasenso ang kahimtang sa mga yanong obrero nisamot pa gyud ang kapit-os kay mayoriya sa ilang sektor mas labing naapektuhan niining lockdown nga gipatuman sa kagamhanan tungod sa coronavirus.
Matud ni Bolcan laing kapakyasan na usab karong adlawa sa mga mamumuo kay subli na usab nga dili nila mapasibaw sa kagamhanan ang ilang mga demanda ilabina ang umento sa suhulan aron muharuhay ang kahimtang sa ilang mga pamilya.
“Pait kaayo ang kahimtang ron sa mga mamumuo ilabina sa mga contractual kanang seasonal ug uban pa. Siguro naa may natabang sa DOLE peru dili pa gyud hingpit buot ipasabot lisud jud kun ikumpara nimo kay abnormal ang ilang kahimtang.”
Gidugang ni Bolcan nga tungod sa pagka ulipon sa kapitalista sa kagamhanan wala gayud mahaw as sa 10 mil nga minimum nga suholan ang mga trabahante nga tataw kaayo nga dili paigo aron tubagon ang mga batakang panginahanglan ilabina karong panahon sa ECQ.
RadyoMaN Erin Lumosbog
