Dismayado ang pila ka Homeowners sang Monticello villas matapos wala nagtambong ang management sang Pro-friends sa pagsinapol angot sa pagpanghilo sang mga ido sa nasambit nga lugar sa bahin sang Brgy. Balabag, Pavia.
Suno kay alyas inday, isa sa mga nagapanag-iya sang ido nga napatay bangud sa pagpanghilo, ila na nahisugtan nga magasapol sila sang miyerkules apang nanawag lang kay Punong barangay Ariel Gerada ang Gen. Manager sang Pro-friends iloilo nga si dina estocado kag nagpahayag nga indi siya makakadto.
Bangud sini, ginpahayag sang mga homeowners nga mapasaka sila sang kaso batok sa mga responsible sa nasambit nga pagpanghilo.
Madumduman nga nagpalab-ot sang reklamo sa Rmn Iloilo ang pila ka mga homeowners sang Monticello villas sa Balabag, Pavia bangud napatay ang ila ginasagod nga ido matapos nanghilo nga wala naghatag sang notice ang mga gwardiya sa nasambit nga lugar kasunod man sang gina-alegar mandu sang management.
