Davao City – Padayon pa nga gi-atiman sa mga attending physician sa balay tambalanan ang usa ka 40 anyos nga lalaki human kini gipusil.
Biktima mao si Jose Pologon, 40 anyos, manager sa Eco-Arts Trucking Services ug nagpuyo sa may RGA Sampaguita, Barangay Panciano Bangoy syudad sa Davao.
Sa report gikan sa Sta Ana Pnp nahitabo ang pagpamusil alas 7:30 sa kagabhion nahitabo sa Emerald St. sakop sa nahisgutang Barangay.
Sumala pa sa report, samtang nagsakay ang biktima sa iyang pickup kauban ang iyang asawa gikan sa Bajada iyang gipark ang sakyanan sa maong lugar. Daling minaog ang biktima ug kalit kini gipusil sa makadaghang higayon sa usa ka riding-in-tandem gamit ang usa ka .45 caliber pistol resulta igo sa likod nga bahin.
Matod pa narekober gikan sa crime scene ang tulo ka basiyo sa bala ug usa niini na-deform nga fired cartridge case.
RadyoMaN Don Pulayao
