Manager gireklamo

86

Davao City – Pursegidong muduso og reklamo sa barangay ang beautician batok sa KAPA Manager nga nakabase sa Butuan City, Agusan Del Norte, tungod sa pagbinastos ug pagbalikas pinaagi sa text sa Kapa Manager nga si Margie Gambong, 55 anyos sa complainant nga si Rosalinda Divino, 52 anyos, ug residente sa Bread Village, Buhangin, syudad sa Davao.

Nasayran nga si Rosalinda ug Margie magbusiness partner sa negosyo nga Salon nga nahimutang sa Milan Buhangin ning dakbayan.


Ang duha nagkasabot nga magsosyo sa negosyo niadtong June 27, 2019 subay sa kasabutan si Margie maoy magbutang sa capital, samtang si Rosalinda maoy magdumala ug tunga-on nila ang kita, apan alas 8:30 sa buntag, natingala na lamang si Rosalinda nga may lain nang nagdumala ug nagkahera sa salon nga mao sila Dzen Villa ug Janno Samonte ug gidid-an nang makasulod ang complainant.

Matud ni Rosalinda, nag-text kaniya si Margie inay klarohon ang kausaban sa salon, gibastos ug gibalikas na hinoon siya.

Gumikan sa kauwaw ug kasakit nga gibati ni Rosalinda iyang gidangop sa Buhangin Police Station.

Tungod niini gisugyot sa kapolisan kang Rosalinda nga didto sa barangay i-dangop ang iyang reklamo aron sila husayon.

RadyoMan Joel Viray

Facebook Comments

From Advertisers