Davao City – Arestado sa San Pedro Police Station sa buy bust operation alas 8:05 sa gabii sa Jade St., Marfori 1, Brgy. 9-A Poblacion siyudad sa Davao, ang street level target nailang Jayson Gogo, alias Dyes , 32 anyos, ug kasamtangang nagpuyo sa Sandawa S.I.R. New Matina Phase 2, syudad sa Davao.
Sumala pa malampusong napalitan sa kapolisan og usa ka pakite nga shabu kambiyo ang P3,000.00 nga buy bust mark money. Narekover ang laing upat ka managlahing gidak-on sa pakite nga shabu ug usa ka cellphone nga gigamit sa illegal nga transaksyon.
Arestado ang tulo ka mga babayi nga sila si Venus Calonia, 43 anyos, residente Piapi Boulevard, Davao City, Gracielle Remetar Perocho, alias Darling, 22 anyos, nagpuyo sa Del Pilar Ext.,Agdao Davao City ug Delia Amable Terado, 64 anyos, residente sa Calilic, Island Garden City of Samal (IGACOS).
Basi sa report sa Talomo Police Station, nakig-transact matud pa ang mga dinakpan sa gidiling droga sa usa ka resort sa Purok 7 Caliclic , Island Garden City of Samal (IGACOS), gamit ang buy bust money kantidad 17K. Nakuha gikan sa possesion sa suspek ang kapin 12 gramos nga shabu ug dunay street value nga 178 mil pesos.
Mga dinakpan, mag-atubang og kaso tungod sa kalapasan sa RA 9165 (Comprehensive Dangerous Drugs Act of 2002)
RadyoMan Don Pulayao, RadyoMaN Paul Canono
