Piñan, ZDN-Wala nay kinabuhi ug naligo sa kaugalingon dugo ang biktima human kini gitulis ug gipatay didto sa may Brgy. Luzvilla, Piñan niadtong adlawng martes mga 2:25PM.
Mismo ang Brgy. Secretary sa Luzvilla, ang linawas nga mitaho sa buhatan sa kapulisan kalabot sa mao nga hitabo, 24 kilometro lang ang gilay-on gikan sa stasyon sa pulis ang nahitaboan.
Naghay-ad na sa pangpang kilid sa dalan uban sa iyang motor si *Nur-Fahad Kahal Sahi*, 29 anyos, assistant Branch Manager sa ASA Philippines Foundation (micro finance NGO, lumad nga taga Purok 2, Brgy. Taluksangay, Zamboanga City.
Saysay pa sa mga nakasaksi niini, ang biktima gikan kini nangolekta sa brgy. LuzVilla samtang pauli na sakay sa motorsiklo, kalit lang kining gipusil sa wala mailang indibidwal ug maayo pagka igo sa iyang dughan nga miresulta sa pagkasarasay padulong sa kilid sa dalan.
Narekober ngadto sa biktima ang kwarta mobalor sa P12, 610 sulod sa bulsa sa pantalon sa biktima, relo, ug motor nga Honda Wave 100c.
Usa ka bala sa 9mm ang mitapos sa kinabuhi sa biktima, base sa nakuha nga basyo sa bala.
Gituhoan nga tulis ang motibo sa pagpatay tungod kay base sa saysay sa manager sa biktima nga si Rey Bayo, nawala ang sling bag nga dili matino ang sulod nga kwarta, cellphone, ug pitika nga posibleng gitangag sa kreminal.
