ILOILO – Halos isa ka semana matapos magsadsad ang eroplano sang Cebu Pacific sa Iloilo International Airport, nagsabat na si Mecine Reyes, manager sang Iloilo Airport sa palamangkutanon sang mga tawo paagi sa media.
Subong man, wala sang sabat si Reyes kon ano ang rason sang pagsadsad sang eroplano sang nakaligad nga Biernes sang gab-i.
Suno kay Reyes, ang ila central office amo gid ang makasabat kon ano ang natabo.
“…kay amon ya nagswerve lang na siya ya [Sir] pero as to the causes wala pa gid ako idea sina, ” ang pahayag ni Mecine Reyes sa interview sang RMN Iloilo.
Sun okay Reyes, wala siya sang diber nga maghatag sang impormasyon sa publiko bangod may ginasunod sila nga protocol nga ang ila Central Office sa Manila amo ang magahatag sang statement tuhoy sa natabo.
Dugang pa ni Reyes nga indi nila kontrolado ang pagresume sang flights bangod nakadepende ini sa decision sang higher office.
