Arestado si Boying Salvador Eijansantos human gihimo ang manhunt operation sa kapulisan sa Sibuco uban sa ZNPMFC ug sa 42nd IB, PA didto sa Brgy. Lunday lungsod sa Sibuco.
Si Boying adunay tanggong nga warrant of arrest sukad pa niadtong Hunyo 6, 2006 sa kasong pagpanglugos.
Hayan nga malata kini sa prisohan tungod kay walay pyansa nga girekomendar ang korte.
Samtang Atol sa Ninoy Aquino day, duha ka indibidwal ang nalaang sa gihimong buy-bust operation sa kapulisan sa Siocon sa pagpanguna ni PCPT Dominador M. Dalion uban sa taga PDEA didto sa Brgy. Pob. Siocon.
Wala ka ipsot si Democrito Torrefranca, 29, taga brgy. Arabi ug nadakpan na kini sa tuig 2016 apan naka pyansa kini.
Dakpan usab si Betty6 Medio, 26 anyos taga Brgy. Pob. Siocon, nakuha sa ilang posisyon ang ubay-ubay nga pakete nga adunay sulod nga gitoohang Shabu ug mga drug paraphernalia.
Sa karon paslak na sa lock-up cell sa Siocon MPS aron atubangon ang kasong ipasaka batok kanila.
Didto usab sa Sindangan, mokabat sa 120mil nga pyansa ang gipangayo sa korte bugti sa temporaryong kagawasan ni Leonardo Sumalpong human nasikop sa kapulisan.
Si Leonardo nag atubang kini sa kasong pakyas nga pagpatay ug didto kini gisikop sa Brgy. Motibot, lungsod sa Sindangan.
Sa karon himas rehas na ang mao nga dinakpan sa Sindangan MPS.
