Padayon pa karon ang ginahimong imbistigasyon sa kapulisan sa lungsod sa Salug may kalabot sa nahitabong pagpamusil didto sa barangaya Liguac, lungsod sa Salug sakop ning probinsya sa Zamboanga del norte niadtong adlawng lunes sa may 8:10AM kapin kun kulang.
Ang biktma mao si Manol Randaan residente kini sa Brgy. Pacuhan, Salug kinsa gikaingon nga gipusil sa riding in tandem nga wala naila.
Sa resulta sa imbistigasyon ni PO1 Joremy T. Tabacolde sa PNP Salug ang biktima ug ang iyang igsuon nga nailang si Roberto Randaan kinsa maoy angkas niadtong higayon sa biktima nga kung diin nahitabo ang pagpamusil. Nagbyahe kini sila gikan sa brgy. Pacuhan padulong Pob. Salug, ZDN. Apan paghidangat sa may brgy. Liguac, kalit lang mibutho ang duha ka suspetsado nga riding in tandem sakay sa wala matino nga motorsiklo wala usab plaka numero.
Dali kining mi overtake sa mga biktima dayong pusil ang angkas niini sa makatulo nga higayon ug maayong pagkaigo sa tuong bahin sa siko sa biktma nga si Manol maayo nalang kay naka patulisay pa kini sa iyang motor hinungdan nga natumba ang ilang gisakyan.
Ang biktima ug ang iyang igsuon naka maneho pa kini ug dagan palayo samtang ang mga suspetsado misibat usab kini padulong sa Brgy. Pukay, Salug.
Nakuha sa lugar nahitaboan ang usa ka basyo sa kalibre 45. Gipaniguro karon sa PNP salug nga sa dili madugay maila ra nila ang mga suspetsado aron mapasakaan ug kaso. Samtang ang biktma usab padayon ang pagpaalim sa iyang samad pinusilan
