Manak nga nag-ako sa pagpatay sa iya stepmother sa syudad sang Cadiz pasakaan kaso nga murder

21

Pasakaan sang kaso nga murder ang lalaki nga nag-ako sa pagpatay sa iya stepmother sa Sitio Paniquion, Barangay Jerusalem, Cadiz City, nagligad nga Agosto 1.


Sa interview sang DYHB kay Police Lt. Col. Robert Mansueto, hepe sang Cadiz City Police Station, ginkumpirmar sini nga nag-ako ang suspek nga si Angelito Sibuyan, 36-anyos sa pagpatay sa iya stepmother nga si Andiolina Sibuyan, 62-anyos.

Suno sa hepe, nahimo sang suspek ang krimen bangud sang kaugot sini bangud masami siya nga ginaakigan sang biktima. Hubog man ang suspek sang iya ginpatay ang iya stepmother pinaagi sa pagkuga kag ginlubong pa malapit sa suba.

Agosto 3 sang hapon na sang nakit-an ang bangkay sang biktima sa diin mismo ang suspek ang nagkutkot sini sa duta. Kaso nga murder ang natalana ipasaka batok kay Angelito.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments