Kalibo, Aklan — Na corner gid it mga kapulisan ag meyembro it Kalibo Auxiliary Police (KAP) rong sangka manakaw matapos nga makipag linagsan it agahon pa kaina sa Kalibo Pastrana Park.
Ro nasambit nga manakaw hay nakilaea kay Paul Villaruel, 39-anyos ag residente it Brgy. Estancia, Kalibo, Aklan.
Natabo rong pag linagsan matapos nga ro suspek nagsakay sa tricycle para kunta mag uli eon ugaling do driver it tricycle naga duda nga manakaw rong anang pasahero rasn nga gin agi na raya sa Police Station timing man nga una sa guwa si KAP Ronald Inan, ag patungod it tricycle suminggit rong driver nga manakaw.
Insigida nga eomompat ro suspek sa tricycle ag dumaeagan paadto it Pastrana Park pero ko ulihi hay na corner man ra imaw ag nadakpan.
Gindaea sa Police Station pati ro anang daeang bag kung sa siin idto nakasueod ro daywa ka agak nga tinakaw na sa Melgar Road, Estancia.
Suno sa suspek may birthday ro anang barkada ag ratong mga manok kunta ro anang iga amot.
Sa follow up it Kalibo PNP nasayuran nga ro mga tag-ana it manok hay sanday Ramsie Tabia ag Excelyn Tiberio it Capitol Site, Kalibo.
Detained sa Kalibo PNP rong suspek ag magapangatubang it nagakaigo nga kaso.
