Mananagat, gidunggab sa kauban

22

General Santos City—angol ang usa ka mananagat human kining gidunggab sa iyang kaubanan sa may Prk. 2, Barangay Ladol, Alabel, Sarangani Province.

Naila ang biktima nga si Rennie Garcia, 29, mananagat ug residenti sa Prk. 2, Barangay Ladol, Alabel, Sarangani province. Suspek sa krimen nailhang si Jonel Paglinawan, 29, mananagat, residenti sa samang lugar.

Alas 10:00 ang takna sa gabie niadtong nakalabayng adlaw dihang naglalis ang biktima ug ang suspek nga miresulta sa pagpanunggab.

Gamit sa suspek sa pagpanunggab ang sungo sa marang kung asa nakaangkon ang biktima ug samad sa iyang abaga.

Paspas nga gidala sa ospital ang biktima human sa insidenti, samtang ang suspek malampusong nakasibat human sa krimen.

Sa karon wala pa gibutyag unsay gilalisan sa mga nahisgutan nga miresulta gyud sa pagpanunggab. Padayon pa usab ang gihimong imbistigastyon sa Alabel PNP kalabutan sa insidenti.

Facebook Comments