Pacman ihalad ang laban sa mga taga Marawi City

21

General Santos City—ihalad ni Sen. Manny Pacman Pacquaio ngadto sa mga taga Marawi ang iyang umaabot nga laban ngadto kang Jeff Horn sa Hulyo 2, 2017.

Atol sa gihimong press conference sa Mansion ni Pacman dinhi sa Gensan niadtong nakalabayng simana gibutyag niini nga siya naluoy sa mga naipit sa gyera didto sa Marawi ug sa mga nabiktima sa uban pang matang sa kalamidad nga nahitabo sa nasud.
Sumala ni pacman nga human sa iyang laban kang Jeff Horn sa Brisbane Australia sunod bulan plano niining bisitahon ang Marawi City aron personal nga makighimamat sa mga residenting naapektuhan sa Gyera tali sa gobyerno ug sa mga teroristang Maute Group.

Magpadala usab ug dugang tabang si Pacman ngadto sa maong lugar human sa laban niini. nasayran nga aduna nay gipadalang tabang ang Senador ngadto sa maong lugar human miulbo ang kasamok.

Samtang dungan niini gisaluduhan ni Pacman ang mga sundalong anaa sa lugar padayong nakigbatok sa mga terorista. Gisaluduhan usab niini ang mga sundalong namatay sa maong gyera.

Sa karon anaa na sa 100 percent ang kondisyon ni Pacman subay na usab sa kompermasyon sa trainor niininga si Boboy Fernandez. Samtang June 25,2017 sa hapon gikatakdang mulupad na padulong sa Australia si Pacman ug ang team.

Facebook Comments