General Santos City—sikop ang usa ka mamanagat human nga naaktuhang nanigarilyo sa pampublikong lugar sa may Pioneer Avenue, Barangay South Gensan.
Ang maong mananagat nailhang si Julius Arnold Brillantes, 32, residenti sa Purok Tinago, Barangay South Gensan.
Naaktuhan ang nahisgutan nga nanigarilyo sa mga personahe sa Police Station 1 sa may Pioneer Avenue alas 6:40 ang takna kagabie. Tungod niini siya giimbitahan sa Police Station 1 diin giisyuhan gilayon ang nahisgutan ug citation ticket.
Human nakabayad ug multa gilayon man nga gitugtang makauli ang nahisgutan dungan sa pagsaad nga dili na moutro pa sa pagpanigarilyo sa mga pampublikong lugar. kahinumduman nga una nang gipahugtan ang kampanya batok anti-smoking sa Gensan subay sa Ordinance no. 6 kon pagbawal sa pagpanigarilyo sa pampublikong lugar sa syudad.
