General Santos City–Nasikop sa mga personahe sa Bula PNP sa pagpanguna ni Police Major Tirso Pascual ang usa ka Ian James Culta 19, anyos, ulitawo, usa ka mananagat residente sa Zone 2b, brgy. bula human nga migawas ang warrant of arrest niini sa kasong attempted homicide.
Ala 1:35 sa hapon sa nasampit nga lugar gikasa ang operasyon sa otoridad sa pagpakanaug sa maong warrant ngadto na sa suspek nga gipirmahan ni presiding Judge Annie Marie Leuterio nga dunay cc no. 56 187-3.
Malampusong nasikop ang nasampit human nga wala na gitagaan ug tsansa sa kapulisan nga maksibat pa sa kaso niining gi-atubang niini.
Sa kasamtangan nagtingkagol sa selda sa bula PNP ang dinakpan samtang gipaabot na lamang sa kapulisan ang commitment order niini gikan sa korte aron hingpit na kining mabalhin sa General Santos Reformatory Center nga anaa nahimutang sa brgy.apopong. (Reynald Timario)
