Maasim, Sarangani Province–Walay nakit-ang foul play ang Maasim PNP sa kamatayon sa usa ka mananagat nga si Felipe Book, 56 anyos, minyo, residente sa Upper Mj Village, Brgy. Kabatiol, Maasim, Sarangani Province kansa una ng nakit-an nga naglutaw-lutaw sa dagat human nga nalumos.
Sumala pa ni Police Captain Herman Luna labaw sa Maasim MPS nga una na silang nakadawat ug tawag gikan sa kapitan sa nasangpit nga Barangay kalabutan sa insidente apan sa ilang pagresponde sa lugar nakit-an na lamang nila nga wala nay kinabuhi ang biktima nga gisulod sa plastic bag ug gibutang sa ibabaw sa plywood .
Asoy pa sa opisyal nga basi sa ilang inisyal nga imbestigasyon migawas nga basi sa pamahayag sa usa ka mananagat nga si Reylan nga samtang anaa kini sa iyang bangka niadtong higayona nakita niini nga naglutaw-lutaw na sa dagat ang biktima hinungdan nga iyang gikuha ug gidala daplin sa dagat dayon report ngadto sa Brgy.Kapitan sa lugar.
Nadala pa sa balay tambalanan ang biktima apan gideklarang dead on arrival sa attending physician.
Saysay pa niini nga nakainum ang biktima samtang sakay kini sa iyang bangka nga nag- inusara lamang gumikan sa kakusog usab sa hangin ug pagtaas sa tubig posibleng nahuwad ang bangkang gisakyan nga miresulta sa pagkalumos patay.(RV)
