Davao City – Sikop sa Sta Ana PNP ang usa ka mananagat ug menor de edad human nakuhaan og shabu atol sa gilusad nga buy bust operation sa Purok 1-B Brgy. 76-A siyudad sa Davao.
Sa report gikan sa Sta Ana Police Station, naila ang suspek nga mao sila si Damir Kamsi, 20 anyos alyas “Toto” ug usa ka menor de edad nga gitago sa pangalang alyas Berham parehong residente sa nahisgutang lugar.
Sumala pa napalitan ang duha ka suspek og usa ka sachet nga shabu kambiyo ang buy bust money nga P500.00 sa usa ka poseur buyer hinungdan sa pagka-aresto niini.
Narekober sa mga dinakpan ang laing usa ka sachet nga gituohang shabu lakip nakompiska ang mga illegal drug paraphernalia.
Ang dinakpan nga si Kamsi balhug na detention cell sa presinto uno ug mag atubang og kasong pagsupak sa Akta Republika 9165 kon Comprehensive Dangerous Drug Act of 2002.
RadyoMan Don Pulayao
