Davao City – Arestado sa kapolisan sa Sta. Ana ang usa ka lalaking mananahi human nakuhaan og gituohang shabu atol sa gikasa nga buy-bust operation ala-1:15 sa hapon didto sa Purok 2 Brgy. 76-A Quezon Boulevard, siyudad sa Davao.
Sa report, naila ang dinakpan nga usa ka Alnajier Baginda Kamsi, 33-anyos, minyo, usa ka mananahi ug residente sa Purok 1-B sakop nahisgutang barangay.
Matud pa malampusong napalitan og usa ka pakete sa shabu ang suspect ug wala kamatikod nga sakop sa otoridad ang iyang gikatransak hinungdan sa pagkaaresto niini.
Narekober sa kapolisan ang laing tulo ka rectangular shape heat sealed transparent plastic sachet, usa ka brown leather coin purse ug usa ka unit nga color black cloudlite cellphone nga maoy gigamit sa iligal nga transaksiyon.
Ang dinakpan priso na sa Sta. Ana Pnp ug mag-atubang og kasong kalapasan sa RA 9165 kun comprehensive dangerous drugs act of 2002.
Samtang sa datos sa Sta. Ana PNP, dol-an 100 na ang nadakpan nga tigpayuhot og iligal nga droga ingon man napasakahan na og kaso samtang 13 na sab ang naneutralisa sa kapolisan sukad nga milingkod si Police Chief Inspector Michael Uyanguren niadtong Hunyo 13, 2018 isip hepe sa maong buhatan.
RadyoMaN Don Pulayao
