Himuon nang mandatory sa Department of Labor and Employment (DOLE) ang pagpailawom sa mga trabahante sa pila ka sector sa RT-PCR test o swab test aron masiguro nga hinay ang pagkatag sa COVID19.
Kini pinaagi sa gipagawas nga Joint Memorandum Circular No. 20-04 ng DOLE ug Department of Trade and Industry (DTI) kalabot sa Supplemental Guidelines on Workplace Prevention and Control of COVID-19.
Apil sa mga trabahante nga ipailawom ani mao ang naa sa turismo; local manufacturing; transportasyon ug logistics; food retails; edukasyon; serbisyong pinansyal; non-food retail; pampublikong palengke; konstruksyon; suplay sa tubig; sewerage; waste management; pampublikong sektor ug ang media.
Samtang nagpahinumdom si Labor Secretary Silvestre Bello III nga ang RT-PCR test kay angay nga kargo sa kumpanya ug dili ipasa ang gastos sa mga empleyado.
