Mandatory evac gi-uyonan

13

Davao City – Gipaboran karon sa Davao-based environmental watchdog organization Kinaiyahan Foundation ang lakang sa Konseho sa Davao nga magpanday og ordinansa alang sa ‘forced evacuation’ panahon sa mga katalagman.

Sumala ni Betty Cabasarez, Kinaiyahan Foundation chairperson, segurohon lang usab nga dunay relokasyon nga kabalhinan sa mga maapektuhang residente aron dili madiskaril ang ilang panginabuhi.


Gipasabot usab ni Cabasarez nga karon na ang tamang panahon nga himoon kini tungod sa grabeng mga kalamidad nga nagapanghitabo sa bisan asang dapita sa kalibutan.

Awhag usab sa environmental advocate nagdto sa mga tawo nga kung dunay mga panawagan o advisories nga ipagawas ang mga ahensya sa gobyerno kontra katalagman pinaagi sa media, gikinahanglang tumanon gayud kini sa mga hingtungdan aron kalikayan ang disgrasya, damyos or bin ba kaha human casualties.

RadyoMaN Bernard Pantallon

Facebook Comments

From Advertisers