Forced evac gipaluyuhan

20

Davao City – Gi-uyonan karon sa usaka non-government volunteer organization Kabalikat Civicom ang planong pagpanday og ordinansa nga magpugos sa mga tawo nga muhawa sa ilang mga lugar nga delikadong maigo sa kalamidad sama sa bagyo ug linog.

Sumala ni Kabalikat Civicom disaster trainor Prime Cruz, mas maayo himoong template kun palisiya ang ‘forced evacuation’ sa mga residenteng nag-estar sa mga lugar nga bantang ug peligro na kaayo sa bagyo, linog, baha ug pagdahili ug yuta.


Gibatbat ni Cruz nga ang maayo nga disaster risk reduction management practice mao ang pagpatuman og forced evacuation kay sa maong paagi lamang maluwas gikan sa ciertong peligro sa katalagman ang katawhan.

Kun walay pugsanong paghiklin, basin mukalas og daghang kinabuhi ang kalamidad hilabi na nga distansiya ra kaayo ang patag una pa man makaabot sa habog nga bahin sa siyudad ang mga tawo.

Ug aron dili mag-alanganin ang tawo sa pagbalhin, gikinahanglang adunay relokasyon ihatag kun i-prepara ang kagamhanang lokal ngadto kanila kansang dapit dili makadiskaril sa ilang panginabuhian.

Gipahinumduman usab sa disaster risk expert ang lokal nga gobyerno sa probisyon sa balaud sa disaster risk management mahitungod sa preemptive ug forced evacuation sa mga lugar nga delikado sa pagbaha ug landslide gumikan sa pag-ulan, bagyo, linog ug uban pang matang sa katalagman.

RadyoMaN Joel Viray

Facebook Comments

From Advertisers