Mandatory face shield giuyonan

41

Davao City- Uyon si Brgy.76-A Kagawad Dennis Bague nga himoong mandatory ang pagsul-ob sa face shield o eye protector diha sa public transportation aron malikayan ang pagtakod sa COVID-19.


Sumala ni Bague, base sa iyang oberbasyon daghan gihapon ang gahi’g ulo nga wala mituman sa health protocols apan kung mao kini maka depensa sa katawhan nganong dili man sundon.

Matud ni Bague, dili man hasol bisan kung naay face mask, social distancing ug barrier sa mga publikong panakayan apan gikinahanglan lamang nga magtinabangay aron mawala ang problema sa virus nga makamatay.

“Kung dili sila gusto mugamit ana stay at home lang gihapon naa man silay kaugalingong home quarantine,” segun ni Bague.

RadyoMaN Don Pulayao

Facebook Comments