Ivisan, Capiz – Arestado sa ginkasa nga drug buy bust operation sang ginhugpong nga pwqersa sang Philippine Drug Enforcement Agency (PDEA), Roxas City kag Ivisan PNP ang mag-asawa kag isa ka lalaki nga kaupod sang mga ini sa Barangay Poblacion Norte, Ivisan, Capiz.
Ginkilala ang mag-asawa nga suspek nga sanday Jon Jon Lima, 38- anyos kag Jean Francis Lima, 34 anyos kasubong man German Bolarde, 49 anyos nga lunsay mga residente sang nasambit nga lugar.
Nakuha sa kamot sang mga suspek ang duha(2) ka dalagko nga pinutos kag isa ka gamay nga sachet sang suspected shabu nga ginabulubanta nagabug-at sang 120 grams nga nagabalor sang kapin sa 1.6 million pesos.
Narekober man ang P19,000 nga boodle money, P1,000 nga buy bust money kag isa ka cellphone.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang tatlo ka mga suspek.
