Davao City – Dili epektibo ug solusyon nga himoong mandatory ang HIV-AIDS test sa tibuok Pilipinas aron malikayan ang pagkuyanap sa maong balatian.
Sumala ni Alliance Against Aids in Mindanao (ALAGAD-Mindanao) executive director Alma Mondragon, dili makatabang ang mandatory test tungod kay mahadlok ang tawo niini.
Matud ni Mondragon, dako kaayo ug epekto sa usa ka tawo nga magpositibo tungod kay dili pa siya andam sa pagdawat niini.
Giklaro usab ni Mondragon nga bugtong himoon mao ang padayong pagpahibalo sa katawhan kabahin sa maong sakit aron malikayan ug dili mataptan.
Samtang gitawtaw usab ni Mondragon, dili himoong rekesitos ang mandatory test tungod kay susama lamang kini nga imong gimandoan aron gamiton sa pag-apply sa trabaho ug uban pa.
RadyoMaN Bernard Pantallon
