Davao City – Mas gipahugtan na ang training alang sa mga magpapiling kandidato sa umaabot nga Sangguniang Kabataan (SK) elections.
Kini ang gibutyag ni National Youth Commission (NYC-Davao) officer Julius Gutierez diin gipasabot niini nga gikinahanglan pa mupailawom og mandatory training kung kinsa man ang interesado mukandidato subay sa mas komprehensibong R.A. 10742 kun SK Reform Act.
Sa maong training, mas masabtan sa mga future leaders kung unsa ba gayud ang SK ug tumong niini, mapasabot ang good governance, ethical standard, proper budgeting and planning, lakip na sab ang history sa SK ug uban pang importanteng bahin kalabutan sa SK.
Gibutyag ni Gutierez nga dakong posibilidad nga mahinayon ang synchronized SK ug barangay elections gumikan sa Mayo 14 pa magpadayon ang senate hearing diin mao na usab ang panahon sa eleksyon.
Kahinumdomang napasa sa third and final reading sa House of Representatives ang House Bill 7378 sa boto nga 214 batok 29, pabor sa postponement sa May 14 election ngadto sa October 8, 2018.
RadyoMaN Jason Amisola
