Mandirigma nga magtutudlo miani ug pagdayig

57

PROYEKTONG MANDIRIGMANG MAGTUTUDLO SA SURIGAO DEL NORTE PPO GIDAYEG NI PBGEN. CARAMAT
Gidayeg ni PNP Caraga Reg’l Director PBGen. Romeo Caramat, Jr. ang proyektong “Mandirigmang Magtutudlo” didto sa Surigao del Norte Police Provincial Office (PPO) ubos ni PCol. Noel Espinosa.
Gibutyag ni PBGen. Caramat na dakung tabang sa padayong kampanya sa kwerpo sa kapulisan batok sa insurhensya ang pag-edukar sa mga kabataan sanglit usa sa mga ugat-hinungdan sa problemang rebelyon ang kawad-on sa edukasyon.
Niya pa na ang programang Mandirigmang Magtutudlo ang makatabang sa mga magtutudlo ilabina sa mga ginikanan diha sa pagmatutu sa tukmang edukasyon sa mga kabataan gamit ang module niining ‘new normal’ ilabina kadtong nanimuyu sa lagyung kabukiran.
Pinaagi sa tukmang edukasyon mapalikay matud pa ang mga kabataan sa paglingla sa rebelding NPA aron moapil sa armadong kalihukan ilabina na ‘bulnirableng’ sector gyud ang mga kabataan, kabus ug mga lumad diha sa kabukiran.
Madumduman na nag-viral ang tropa sa 2nd Mobile Force Company sa Surigao del Norte PPO sa dihang ilang gitudloan ang mga bata nga nagtuon sa ilang module samtang nagpahigayon sila ug combat operation sa bukirang bahin sa lungsod sa Bacuag, Surigao del Norte.

Facebook Comments